From Wikipedia, the free encyclopedia
Lo Semovente da 75/18 es un canon d'assaut italian de la Segonda Guèrra Mondiala concebut per lu constructors Ansaldo e FIAT. Utilizava lo quadre dau carri mejan M13/40 coma basa per installar un obusier de 75 mm. L'objectiu èra de melhorar la poissança de fuèc de l'armada italiana que mancava d'armas capabli de destruir lu blindats aliats en Àfrica. La supression de la torrela permetia finda d'aumentar lo blindatge. Enfin, lo concèpte de canon d'assaut, tecnicament pus simpla qu'un carri, èra pus adaptat ai capacitats de l'industria italiana. La produccion comencèt donc rapidament a partir de febrier dau 1941. Au total, 520 exemplaris foguèron fabricats.
Lo Semovente da 75/18 foguèt mai que mai utilizat durant li operacions en Àfrica dau Nòrd. Lo sieu canon de 75 mm èra eficaç còntra lu blindats aliats en dotacion en lo 1942. Inspirèt d'autru canons d'assaut italians basats sus de quadre de carris M14/41 e M15/42. Per l'armada italiana, aqueu succès èra fòrça important car lu sieus carris de combat èran notoriament inferiors ai blindats aliats. Après la capitulacion italiana, la Wehrmacht capturèt la màger part dei Semovente da 75/18 italians. Aquelu veïcules foguèron integrats dins d'unitats alemandi en Itàlia e dins lei Balcans fins a la fin de la guèrra.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.