Sòja
From Wikipedia, the free encyclopedia
La sòja es una planta escalaira de la familha de las Fabaceae pròcha de la mongeta, subretot cultivada per sas granas oleaginosas que produson lo segond òli alimentari consomat dins lo monde, aprèp l'òli de palma.[1] Lo mot designa tanben las granas, que constituisson un aliment naturals dels mai rics. Conten fòrça proteïnas, glucids, lipids, vitaminas A e B, potassi, calci, magnèsi, zinc e fèrre. Las utilizacions alimentàrias tradicionnalas de sòja non fermentat enclauson lo tofu e lo lait de sòja e las formas fermentadas comprenon entre autres la salsa de sòja, lo nattō e lo tempeh. L'òli de sòja es emplegat dins nombrosas aplicacions industrialas (coma lo biogazòl).
De pas confondre amb Mongeta mong. |
Fruch e granas
Règne | Plantae |
---|---|
Sosrègne | Tracheobionta |
Division | Magnoliophyta |
Classa | Magnoliopsida |
Sosclassa | Rosidae |
Òrdre | Fabales |
Familha | Fabaceae |
Sosfamilha | Faboideae |
Tribú | Phaseoleae |
Sostribú | Glycininae |
Genre | Glycine |
Sosgenre | Soja |
Reng de precisar
Òrdre | Fabales |
---|---|
Familha | Fabaceae |
Los tres quarts de la produccion mondiala de granas de sòja servisson per far de tortèl de soja, utilisats dins l’alimentacion animala. China es lo principal utilizator de tortèl de sòja (avec 74 milions de tonas), seguit luenh darrièr per los Estats Units e l’Union Europèa (resp. 31 Mt e 30 Mt)[2]. Per respondre a l’augmentacion de la demanda, los productors sud-americans an convertit 24 milions d’ectaras de la selva amazonica e de savanas e pradariás de Cerrado, de Chaco e de Pantanal en tèrras agricòlas[3], entre 2000 et 2010.