Renault D1

Lo Renault D1 es un carri leugier francés desvolopat durant leis ans 1920 per remplaçar lo carri Renault FT. 160 exemplaris foguèron produchs de 1930 a 1935. Participèron a la Segonda Guèrra Mondiala.

Fotografia d'un carri Renault D1 en 1936.

L'idèa iniciala de l'armada francesa èra de modernizar lei carris Renault FT de la Premiera Guèrra Mondiala. Pasmens, lei diferents projèctes mau capitèron car l'espaci laissat per lo motor èra insufisent. En 1923, comencèt donc l'estudi d'un carri novèu destinat a sostenir lo combat de l'infantariá. Per aquò, foguèt concebut un carri qu'es una mena de melhorament dau FT amb un blindatge espés (40 mm) e un canon cort de 47 mm, doas mitralhièras de 7,5 mm. Pasmens, coma per la màger part dei carris francés dau periòde, l'autonòmia èra febla (120 km) e lo cap de carri deviá assegurar tròp de ròtles diferents (cap de carri, tiraire...). Dins aquò, lo D1 èra relativament modèrne en 1930. En particular, foguèt lo premier carri francés dotat, tre sa concepcion, d'un sistèma de ràdiotelegrafia.

Considerats coma obsolèts en 1937, lei D1 foguèron mandats en Tunisia. Pasmens, en junh de 1940, 43 D1 operacionaus foguèron desplegats en França còntra la Wehrmacht. Participèron a divèrsei còntra-atacas mai son blindatge, tròp feble, èra vulnerable au tir dei canons anticarri de 37 mm. La màger part dei D1 foguèt donc destrucha. Lei D1 demorats en Africa participèron ai combats de 1942 e 1943.

Liames intèrnes

• Carri leugier.

Bibliografia

• (fr) Pascal Danjou, « Le char D1 », Revue Tank zone, n° 17,‎ junh-julhet de 2011, pp. 14 à 21.

Nòtas e referéncias