From Wikipedia, the free encyclopedia
La Ròsa-Crotz es una societat secreta que difusèt a partir d'Alemanha pendent lo sègle XVII, amb la tòca d'intervenir pacificament e secretament dins lo mond per establir la patz e una religion comuna.[1] Professa un cristianisme de caractèr esoteric[2] amb d'elements alquimics, ermetics, gnostics e cabalistics, e es simbolizada per una crotz e una o mai ròses sobrepausadas. Se nomenan los seus adèptes "rosacroces" o "rosicrucians".
La societat foguèt creada, segon la legenda, pel cavalhièr germanic Christian Rosenkreutz (qu'auriá viscut, segon los autors, entre los sègles XIII e XV), mai que se divulguèt l'existéncia sonque a fins al començament del sègle XVII,[1] amb la publicacion de las òbres Fama Fraternitatis Rosae Crucis (1614), Confessio Fraternitatis (1615) e Chymische Hochzeit Christiani Rosenkreuz (Les noces químiques de Cristià Rosacreu, 1616), atribuïdas al teològ protestant Johann Valentin Andreae (1586-1654). També foguèt propagada per las òbras de l'umanista anglés Robert Fludd (1574-1637).
A partir de 1622 los membres de la Ròsa-Crotz s'encontrèron a París e lèu s'encontrèron a Viena e en d'autres luòcs de l'Euròpa Centrala, los Païses Basses e en Anglatèrra.[1] Mai tard la francmaçoneria n'adoptèt de concèptes e simbòls, coma per exemple lo nomenat prince de la Ròsa-Crotz del 18n gra dels 33 de que compta lo rite escocés.[1]
Pendent los sègles XVIII e XIX se bastiguèron nombrosas societats que se revindicavan eretièras de la Ròsa-Crotz, coma la Fraternitas Rosae Crucis, l'Òrde Cabalistic de la Ròsa-Crotz, l'Òrde Mistic del Temple de la Ròsa-Crotz, l'Escòla de la Ròsa-Crotz d'Aur, d'ont venon l'Òrde Ermètic de l'Alba Daurada o l'Antiquus Mysticusque Ordo Rosae Crucis (AMORC).
Ara encara i a divèrsas brancas en activitat.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
