Sus scrofa domesticus
From Wikipedia, the free encyclopedia
Lo pòrc o porcèl, ganhon, còche e cochon (auv.), dich tanben pòrc domestic (Sus scrofa domesticus) o pòrc de las vilas es un mamifèr domestic omnivòr de la familha dels porcins, vesin del singlar. Es generalament elevat per l'òme per la consomacion de sa carn.
Faits en brèu Règne, Embrancament ...
Sus scrofa domesticus
Una truèja e son pichon
Tampar
Quand es un porcelon lachenc se sona tanben tesson, quora es jove es dich porcèl/porquet/porcelon/porquin/porcòt/porcon (var. porceu, porcèth gasc.), calhon, cochet, gorrin, porcat, biton.
Quand es sanat o castrat es un verrat, vèrre, vèrri, vèrro o porcàs.
Sa femèla es dicha truèja (var. trueia, trueja, truòja, troja, truja), maura, calha/caia, còcha, guiha (gasc., especialament quand es maire), e porcèla o calhona quand es jove.