Pont de Balandras
From Wikipedia, the free encyclopedia
Lo pont de Balandras (pronóncia locala ['pun de bɔ'lɔndreʃ]; en francés: pont Valentré) passa Òlt a Caors, en Carcin. Lo pont medieval es quilhat de tres torres. Simbòl de la capitala carcinòla, es tanben un dels monuments mai coneguts d'Occitània al e fòra país.
Pels articles omonims, vejatz Pont del Diable (omonimia). |
Una balandra es una mena de barca, "vaissèl del fons planièr" (Cantalausa). Coma o explica Pau Lescala a la fin de l'introduccion a son glossari (1900), lo pont prenguèt lo nom del transbordador qu'aviá remplaçat. Totjorn segon el, lo Te igitur designa, a aquel endrech, una plataforma per descargar o un acotador, que li disián pòrt de balandras, que i arribava la balandra que fasiá comunicar las doas ribas.
Lo nom de l'arquitècte se perdèt, tot ben que l'istòria locala faga mencion de son tombèl.