Petrocòris
From Wikipedia, the free encyclopedia
Los Petrocòris (Petrocorii) eran un pòble gallés que demoravan dins l'actuau region occitana de Perigòrd, e mai que mai entre Dordonha e Eila. Lor capitala era Vesona (Vesunna), que venguet l'actuau Periguers. Lo nom de la region de Perigòrd mai de la vila de Periguers venen justament de queu pòble, que vòu dire en gallés las quatre armadas (de petru- « quatre » e corii « armadas »).
Se pensa que los Petrocòris vivián sus los costaus que dominan la bocla d'Eila. Quò seriá après la conquista romana que la vila de Vesona s'espandís dins la valada.