From Wikipedia, the free encyclopedia
País Nòstre es una associacion segon la lei de 1901 nascuda en Lengadòc, que sa tòca es de desvolopar una pensada politica en Occitània. Son president e fondador n'es Joan Pèire Laval.
Dempuèi 2009, l'associacion se questiona per poder separar sas doas activitats, d'un latz l'activitat ciutadana e de l'autre l'activitat de preséncia politica a las eleccions.
Aquel meteis an, País Nòstre a començat un trabalh politic ciutadan sus Tolosa, aprèp lo Bas Lengadòc.
País Nòstre se presentèt a las eleccions mantes còps en Lengadòc (a Narbona e a Besièrs), e tanben a las eleccions regionalas de 2002.
En 2013 te participa a la platafòrma pan-occitanista Bastir! qu'aviá per tòca de labelizar candidaturas a las eleccions municipalas de 2014.
Au mes de novembre de 2019, l'associacion lengadociana s'es sarrada de Bastir Occitània que recampava a n'aqueste moment los demorats actius de Bastir!. Aital es nascuda en parallèla una associacion pan-occitanista mai larga, Occitània País Nòstre[1].
Occitània País Nòstre te labellizèt alavetz gaireben un cinquantenat de listas a las eleccions municipalas de 2020[2].
A las eleccions regionalas de 2021, Occitània País Nòstre sostenguèt en Occitània centrala la lista regionalista Bastir Occitània menada per Joan-Luc Davezac.
Lo 5 de decembre de 2021, Clara Daugé e Stéphane Albert son estats elegits copresidents de Occitània País Nòstre[3].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.