una comuna francesa From Wikipedia, the free encyclopedia
Miramàs (Miramas en francés) es una comuna provençala situada dins lo departament dei Bocas de Ròse e la region de Provença-Aups-Còsta d'Azur.
![]() |
Vila d'Occitània | ![]() |
Miramàs Miramas | ||
---|---|---|
![]() | ||
La capèla de Sant Julian a Miramàs. | ||
| ||
| ||
Geografia fisica | ||
| ||
Coordenadas | 43° 34′ 56″ N, 5° 00′ 07″ E | |
Superfícia | 25,74 km² | |
Altituds · Maximala · Mejana · Minimala |
125 m 50 m 0 m | |
Geografia politica | ||
País | ![]() | |
Estat | ![]() | |
Region 93 |
Provença-Aups-Còsta d'Azur | |
Departament 13 |
Bocas de Ròse ![]() | |
Arrondiment 134 |
Istre | |
Canton 1311 |
Istre-Nòrd | |
Intercom 241300177 |
Metropòli d'Ais Marselha Provença SIREN 200054807 | |
Cònsol | Frédéric Vigouroux (2014-2020) | |
Geografia umana | ||
Populacion Populacion totala (2018) |
26 668 ab. ![]() 27 062 ab. | |
Densitat | 971,33 ab./km² | |
Autras informacions | ||
Còde postal | 13140 | |
Còde INSEE | 13063 | |
http://www.miramas.org |
D'una superficia de 25,7 km², lo territòri de Miramàs se situa entre lei regions orientalas de Crau e l'extremitat occidentala dei còlas dau nòrd de l'Estanh de Bèrra. La vila actuala es donc largament situada dins lei regions planas mentre que lei còlas de l'èst son pauc urbanizadas. Lo clima es de tipe mediterranèu. Nos logistic major de Provença, Miramàs es ben integrada ai rets de comunicacion e de transpòrt dei Bocas de Ròse. Es ansin liada a de rotas importantas (Nacionala N569, Departamentala D10...) e a doas linhas de camin de fèrre, especialament la linha París-Marselha convencionala. Un camin de fèrre segondari va vèrs lei zònas industrialas de Fòs e dau Martegue.
La demografia de Miramàs es caracteristica d'una vila novèla. Istoricament, la comuna èra un vilatge menor dau nòrd de l'Estanh de Bèrra que se transformèt pauc a pauc en vila importanta gràcias au desvolopament industriau de la region. Dempuei lo començament dau sègle XX, la vila conoís donc una creissença demografica continüa que li a permés de passar de 2 300 abitants en 1901 a 26 400 en 2020.
Lo centre istoric de Miramàs es lo vilatge de Miramàs-lo-Vièlh, un castèu installat a la cima d'una còla situada au nòrd de l'Estanh de Bèrra. L'endrech èra una posicion aisada de protegir, çò qu'èra un avantatge a una epòca medievala marcada per d'incursions frequentas de piratas sarrasins. Son existéncia es ansin atestada dins un document de 1118 ont es mencionat sota lo nom de Miramaris. Fasiá partida dau domeni de l'Abadiá de Montmajor e o demorèt fins a la Revolucion Francesa. Dins aquò, en 1690, Loís XIV ordonèt la requisicion de molins per fabricar de pouvera negra. Aquò donèt naissença a la fabrica de pouvera de Sanch Amàs. Demorèt en foncionament fins a 1974.
Dins lo corrent dau sègle XIX, la Revolucion Industriala se desvolopèt en Provença e menèt a la construccion d'una linha de camin de fèrre entre París e Marselha. Dins aqueu quadre, un desbarcador foguèt construch a 3,5 km dau site primitiu de Miramàs lo Vièlh. Aquò entraïnèt un transferiment dau centre de la vila de son còr istòric vèrs lo site actuau. Ansin, en 1821, Miramàs lo Vièlh teniá 200 estatjants còntra 150 en 1850. Pasmens, a la meteissa data, 300 abitants restavan a l'entorn de la gara. D'efiech, en causa de l'espaci reduch a la cima de la còla, lo site istoric èra pas en mesura de sostenir lo desvolopament d'una vila importanta.
L'aglomeracion modèrna de Miramàs es donc una vila ferroviària que se desvolopèt a l'entorn de sa gara. Ben plaçat, l'endrech venguèt un centre logistic important per la triada dei vagons. L'implantacion d'aqueu centre de triada foguèt decisiu dins lo desvolopament de la vila modèrna car fixèt rapidament de populacions importantas de caminòts. La creissença dau trafec maritim marselhés foguèt lo motor d'aquela creissença. Pasmens, en causa de l'importància estrategica de la vila, foguèt bombardada dos còps per l'aviacion estatsunidenc en 1944. Après 1945, lo desvolopament de la basa aeriana d'Istre renforcèt l'interès logistic de la gare de Miramàs. Enfin, darrier element a l'origina de la vila actuala, Miramàs faguèt partida dei vilas novèlas destinadas a lotjar leis obriers de la zòna industriala de Fòs en cors d'amainatjament. Aquò entraïnèt una aumentacion rapida de la populacion (10 500 abitants en 1968, 20 400 en 1982). Pasmens, menèt a la formacion d'un abitat de qualitat bassa que necessita desenant de trabalhs importants de renovacion.
Lo patrimòni culturau de Miramàs es concentrat dins lo vilatge de Miramàs lo Vièlh onte se tròban lei roïnas dau castrum originau (sègle XII), la Capèla de Sant Julian de Miramàs (sègle XIII) e lo pargue de la fabrica de pouvera de Sanch Amàs.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.