Marcellin Albèrt
From Wikipedia, the free encyclopedia
Marcellin Albèrt (en francés Marcelin Albert) (Argelièrs, 29 de març de 1851- Argelièrs, 21 de decembre de 1921) foguèt un dels personatges occitans mai importants de la debuta del sègle XX perque foguèt lo menaire de la revòlta de 1907. Recebèt divèrses escaisses, coma dins son vilatge, Lo Cigal per encausa del fach que se quilhava suls arbres per far sos discorses mentre que los vinhairons lo sonèron l'Apòstol per son actitud messianica. Foguèt tanben batejat Lo grand bolegaire dòu brave pòble de la tèrra per Mistral.