lista d'un projècte Wikimèdia From Wikipedia, the free encyclopedia
Lo vescomtat de Carcassona apareguèt pel primièr còp en 1082. A aquela data Bernat Aton IV de Trencavel, vescomte de Nimes e d'Albi, revendicant los dreches de sa maire Ermengarda, reclamèt los comtat de Carcassona e de Rasés, e tanben los vescomtats de Besièrs e d'Agda, e los prenguèt. Los Trencavels venguèron alara senhors de fach, sens portar lo titre de vescomtes. Ermengarda moriguèt en 1101, e son filh Bernat Aton I (IV de Nimes e d'Albi) foguèt proclamat formalament vescomte de Carcassonna, Rasès, Besièrs e Agde. Barcelona tentèt de s'i opausar mai d'un còp.
En 1107, Ramon Berenguièr III de Barcelona prenguèt la ciutat de Carcassona. En 1129, Bernard Aton moriguèt e sos filhs Rogièr, Ramon e Bernat Aton li succedèron, lo primier dins los vicomtats de Carcassona, Albi e Rasés, lo segond dins aquel de Besièrs e d'Agde, lo darrièr a Nimes. Rogièr moriguèt sens posteritat en 1150 e sos dos fraires cabdets se partagèron la succession: Ramon Trencavel obtenguèt Carcassona, Albi e Rasés que jonhèt a sa vescomtat de Besièrs, mas daissèt Agda a son fraire Bernard Aton. Ramon Trencavel governèt sas tèrras fins a son assassinat a Besièrs, en 1167. Aprèp sèt guèrras (1096, 1107, 1112, 1120, 1124, 1150 e 1157) Ramon Trencavel reconeguèt en 1157 la sobeiranetat de Barcelona, reconeissença confirmada en 1167.
Son filh Rogièr V (III de Besièrs) foguèt apuèi vescomte fins a 1194 (associat a son cosin Ramon Trencavel II), puèi foguèt son filh Ramon Rogièr Trencavel que portèt lo titre fins a 1209, quand foguèt depausat e es empresonat per Simon IV de Montfòrt. Moriguèt pauc aprèp captiu, benlèu assassinat. Un de sos parents, Bernat Aton IV de Nimes e Agda, perdèt tanben sos domenis en 1214 aprèp l'intervencion de Simon de Montfòrt.
En 1224, lo filh de Ramond Rogièr Trencavel, Ramon II Trencavel, aprèp mai d'un ensags malastrats, tornèt prendre las tèrras qu'èra de son paire, abans de las perdre en 1227; li tornan parcialament en 1240, mas daissèt finalament sos dreches al rei de França en 1247, en cambi d'una renda.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.