From Wikipedia, the free encyclopedia
Lionel Jospin, nascut lo 12 de julhet de 1937 a Meudon (Sèina e Oisa, ara Nauts de Sèina), es un Òme politic francés.
Lionel Jospin | ||
---|---|---|
Naissença | 12 de julhet de 1937 | |
Primièr ministre de la França | ||
Periòde de govèrn: | 2 de junh de 1997 | |
Predecessor: | Alan Juppé | |
Successor: | Jean-Pierre Raffarin | |
Ancian escolan de Institut d'estudis politics de París e de l'ENA, es diplomata e universitari de profession. D'en primièr membre de l'OCI trotskista, jonhèt lo Partit Socialista en 1971. Especialista en economia, venguèt primièr secretari del PS pendent lo primièr mandat del president de la republica François Mitterrand (1981-1988). Deputat de la 27a circonscripcion de París puèi de la Nauta Garona, foguèt, de 1988 a 1992, ministre d'Estat, ministre de l'Educacion nacionala, dins los govèrns de Michel Rocard, Édith Cresson e Pierre Bérégovoy.
Elegit candidat socialista a l'election presidenciala de 1995 pendent la primària de son partit, perdèt al segond torn contra Jaume Chirac, puèi tornèt èsser primièr secretari del PS en octobre. Dos ans mai tard, la victòria de l'esquèrra a las elections legislativas li permèron de venir Premièr ministre, per la tresena coabitacion. Al cap de la « majoritat pluriala », contribuguèt a la mesa en plaça de las 35 oras et dels emplecs joves.
Encara un còp candidat del PS lors de l'eleccion presidenciala de 2002, foguèt eliminat al primièr torn, essent davançat pel president sortent Jaume Chirac e pel candidat del Front Nacional Jean-Marie Le Pen, e anoncièt sul còp sa retirada de la vida politica. Demissionèt de sas foncions de cap de govèrn lo 6 de mai de 2002, l'endeman del segond torn del vòte presidencial. Lo govèrn Jospin coneguèt fòrça remanejaments, mas son pas considerats coma de cambis de govèrn, Lionel Jospin avent pas donat sa demission per formar una nòva equipa.
Precedit per | Lionel Jospin | Seguit per | ||
Alan Juppé |
|
Jean-Pierre Raffarin |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.