![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c9/M%25C3%25A9tro_Toulouse_-_viaduc_rocade_ouest.jpg/640px-M%25C3%25A9tro_Toulouse_-_viaduc_rocade_ouest.jpg&w=640&q=50)
Linha A del mètro de Tolosa
From Wikipedia, the free encyclopedia
La linha A del mètro de Tolosa es una de las doas linhas del mètro tolosenc. Traversa la metropòli tolosenca, del nòrd-èst al sud-oèst, e religa l'estacion Balmar-Gramont al nòrd-èst, sus la comuna de Balmar, a l'estacion Bassa Comba, al sud-oèst de Tolosa.
![]() |
Pels articles omonims, vejatz Linha A. |
Mètro A | |
![]() Un VAL 206 sul viaducte de la rocada oèst. |
|
![]() Traçat de la linha en francés. |
|
Malhum | Mètro de Tolosa |
---|---|
Obertura | 26 de junh de 1993 |
Darrièra modificacion | 20 de decembre de 2003 |
Terminus | Bassa Comba Balmar-Gramont |
Espleitador | Tisséo |
Conduita (sistèma) | Automatica |
Material utilizat | VAL (206, 208 AG, 208 NG, 208 NG2) |
Depaus d’estaca | Bassa Comba |
Punts d'arrèst | 18 |
Longor | 12,5 km |
Temps de percors | 22'30 min |
Distància mejana entre punts d'arrèst | 735 m |
Comunas desservidas | 2 (Tolosa, Balmar) |
Jorns de foncionament | Totes los jorns |
Frequentacion (mej. per an) |
53 300 000 (2018) 2 / 2 |
Linhas connèxas | ![]() ![]() ![]() ![]() ![]() |
modificar ![]() |
Inaugurada en 1993, reliava inicialament las estacions Bassa Comba (sud-oèst de la vila) e Bèlmont (nòrd-èst) avans d'èsser perlongada cap al nòrd-èst en 2003, fins a Balmar-Gramont.
La linha es longa de 12,5km, çò que ne fa la mai corta de las doas linhas del mètro tolosenc. La linha desservís lo centre comercial Auchan Gramont, los quartièrs del nòrd-èst, la gara Matabiau, lo Capitòli, Sent Çubran, atal que lo quartièr del Miralh al sud.
Coma la linha B, inaugurada en 2007, la linha A se fisa sus la tecnologia de mètro automatic VAL. Foguèt la mai frequentada de las doas linhas de l'aglomeracion abans 2018, e fa l'objècte d'una certificacion NF Service dempuèi 2010[1].
Arribada a saturacion a las oras d'afluéncias, la linha A fa l'objècte de trabalhs al cors dels estius 2017 e 2019 visant a doblar la capacitat de sos trens.
![](http://upload.wikimedia.org/wikipedia/commons/thumb/1/12/M%C3%A8tro_de_Tolosa_-_linha_A.svg/640px-M%C3%A8tro_de_Tolosa_-_linha_A.svg.png)