Le Bauç

Le Bauç^[1]^,^[2]^,^[3]^,^[4] (Vaux en francés o Le Vaux, non oficialament) es una comuna lengadociana en Lauragués, situada dins lo departament de la Nauta Garona e la region d'Occitània, ancianament de Miègjorn-Pirenèus.

Pels articles omonims, vejatz Bauç (omonimia).

Vilatge d'Occitània

Mai d'informacions Descobridor o inventaire, Data de descobèrta ...

Le Bauç
Vaux

Vista generala del Bauç.

Armas

Geografia fisica

Coordenadas

43° 27′ 23″ N, 1° 50′ 16″ E

Superfícia

10,41 km²

Altituds
· Maximala
· Mejana
· Minimala

291 m
270 m
209 m

Geografia politica

França

CC de Lauragués Revèl Soresan

Cònsol

Claude Morin
(2014-2020)

Geografia umana

Populacion
Populacion totala
(2018)

298 ab.

303 ab.

Densitat

25,84 ab./km²

Autras informacions

Gentilici

Vallois, Valloises en francés

Còde postal

31540

Còde INSEE

31570

Tampar

Comuna de l'airal urban de Tolosa situada sus Sauna en Lauragués a 35 km al Sud-Èst de Tolosa.

La prononciacion al sègle XX notada per l'abat Raymond Corraze es Lo Baouch, mes en 1428, le nom es notat les Baus ^[5]. Un chotament de la finala -ç, [-s], encara mai après diftongue, es pas un fenomèn anormal. Pus estranh es Lo de l'abat, qu'escriviá pas en grafia classica; s'agís benlèu d'una marrida lectura de Le (le tèxte - postume - de l'abat, e donc pas verificat per el sus las espròvas, èra benlèu manuscrit), puslèu que d'un lo manlevat per estordariá als escribas, qu'escrivián atal l'article tolosan le.
Le nom ditz plan çò que la mapa mòstra : un penjal important al limit del vilatge a l'èst. A tòrt, Dauzat e Rostaing interprètan lo nom en val, de vallis ^[6](ambe l'article masculin; seriá puslèu un vallum).

Pendent l'Ancian Regime, Le Bauç èra de la diocèsi civila de Tolosa, doncas de la província de Lengadòc, de la generalitat de Tolosa, de l'archidiocèsi de Tolosa e de la senescauciá de Lauragués. En 1790, Le Bauç èra del canton de Sant Felitz, en l'an XII, del canton de Revèl. Le vocable de la glèisa, annèxa de Francarvila, es Sant Blasi ^[7].

Pendent l'Ancian Regime, la parròquia de Saint-Pierre-des-Aygats (Sant/Sent Pèire dels Aigats), ara Sent/Sant Pèire, èra de l'archidiocèsi de Tolosa e de la senescauciá de Lauragués. Le vocable de la glèisa, annèxa de Cambiac, es Sant Pèire. La parròquia, èra situada dins la comunautat de Sant Felitz, mès auèi la glèisa es dins la comuna del Bauç ^[8]. La mapa IGN actuala pòrta St-Pierre d'Aygats al nòrd-nòrd-oèst del Bauç (St Pierre-des-Aygats sus la mapa de las annadas 50). Lo lòc, sus una tuqueta, es pas expausat als risques d'aigats.

Mai d'informacions Periòde, Identitat ...