Lançament de bigatana

Lo lançament de bigatana es una disciplina atletica consistant a lançar una bigatana o javelina facha de metal, de fibra de veire o de fibra de carbòni.

La lançaira de bigatana neerlandesa Bregje Crolla en 2007

Las règlas del lançament de bigatana son equivalentas als autres tipes de lançament (disc, martèl o pes). Los competitors an totes sièis ensages. Dins las competicions donant drech a un títol, o una prima necessitant un classament, los lançaires de bigatana an drech a tres ensages, puèi los uèit melhors a l'eissida d'aquels tres lançaments an la possibilitat de lançar tres ensages de mai, lo venceire es lo qu'aurà envejat lo mai luenh possible la bigatana, distància mesurada al centimètre près. La poncha de la bigatana deu tocar d'en primièr lo sòl al moment de l'impacte per que l'ensag siá validat. Contrariament al lançament del disc, del martèl e del pes, lo lançaire de bigatana fa una corsa de vam rectilinèa abans lo lançar, corsa realizada en dos temps sus la meteissa superfícia utilizada que per la corsa (lo tartan). Dins un primièr temps dich lo vam, l'atlèta realiza una corsa classica de cara a l'aira de lançament, la bigatana plaçada sul costat. Dins un segond temps, dins la fasa dicha de preparacion, lo lançaire se plaça de perfil e se desplaça en pas crosat davant, la bigatana plaçada a la tempe e lo braç lançaire armat darrièr lo cap. Dins l'ultima fasa de la corsa de vam, lo braç lançaire es mes en tension per elasticitat sus la darrièra dobla pièja de la corsa de vam. La corsa es aital arrestada violentament, en transmetre tota la velocitat de desplaçament dins l'espatla que se destend coma una catapulta en propulsar la bigatana.