From Wikipedia, the free encyclopedia
Julieta Lanteri (22 de març de 1873, La Briga - 23 de febrier de 1932, Buenos Aires) èra una feminista e una frema politica argentina de la premiera mitat dau sègle XX.
Originària dei regions roiascas situadas entre França e Itàlia, sa familha emigrèt en Argentina en 1879. En 1891, Julieta Lanteri èra la premiera filha qu'integrèt lo Colegio Nacional de la Plata. Sèt ans pus tard, acabèt d'estudis de farmacologia a l'Universitat de Buenos Aires. Puei, comencèt d'estudis de medecina e venguèt mètge en 1904. S'engatjèt alora en favor de politicas de suenhs en favor dei paures e jonhèt la causa feminista. Se maridèt en 1910 e obtenguèt lo ciutadanatge un an pus tard. En 1918, participèt a la fondacion de l'Union Feminista Nacionala e se presentèt a cada eleccion legislativa fins a sa mòrt.
En 1932, foguèt reversada e tuada per una veitura menada per un militant d'extrèma drecha autor de plusors murtres. La polícia escondèt l'identitat dau menaire e concluguèt a un accident[1]. Aperaquí un milier de personas participèron ai funeralhas de Julieta Lanteri.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.