Guèrra de Sèt Ans
From Wikipedia, the free encyclopedia
La Guèrra de Sèt Ans es un conflicte major dau sègle XVIII que se debanèt d'aost de 1756 a febrier de 1763. Opausèt doas coalicions formadas, d'un caire, d'Anglatèrra e de Prússia e, d'autre caire, de França, d'Àustria e de Russia. Espanha jonhèt lo camp francés en 1762 e cada camp obtenguèt l'ajuda de poissanças segondàrias, especialament en Alemanha e dins lei teatres coloniaus.
Guèrra de Sèt Ans | |
---|---|
Informacions generalas | |
Data | Aost de 1756 - Febrier de 1763 |
Luòc | Euròpa, America dau Nòrd, Antilhas e Índia |
Eissida | Victòria angloprussiana |
Belligerants | |
França Àustria |
Reiaume Unit Prússia |
Lònga e saunosa, la guèrra s'acabèt sensa venceire en Euròpa onte lo statu quo ante bellum foguèt restaurat a l'eissida dei combats. En revènge, dins lei colonias, França perdiguèt la quasi totalitat de sei possessions que foguèron annexadas per leis Anglés que venguèron la premiera poissança coloniala mondiala.