Guy de Maupassant
From Wikipedia, the free encyclopedia
Henri René Albert Guy de Maupassant (castèl de Minomesnil, Tourville-sur-Arques, França, 5 d'agost de 1850 – París, 6 de julh de 1893) foguèt un escrivan francés. Demest los autors mai populars del sègle XIX, foguèt un dels creadors del conte modèrn e un mèstre de la novèla literària. Aperten a l'escòla realista, que descriu las vidas e las destinadas umanas e las fòrças socialas en tèrmes desillusionats e sovent pessimistas.
Guy de Maupassant | |
File:Guy de Maupassant fotograferad av Félix Nadar 1888.jpg Guy de Maupassant en 1888 | |
Nom de naissença | (fr) Henry-René-Albert-Guy de Maupassant |
---|---|
Naissença | 5 d'agost de 1850, Tourville-sur-Arques |
Decès | 6 de julh de 1893, París |
Occupacion | escrivan |
Genre | roman, novèla |
Maupassant èra lo "protegit" de Flaubert e sas istòrias son caracterizadas per una economia d'estil e un desnosament eficaç e aisit. L'accion se debana sovent durant la Guèrra Francoalemanda de 1870, ont i descriu la futilitat de la guèrra e los civils innocents que, pres dins d'eveniments que los despassan, son en permanéncias cambiats per son experiencia. Escriguèt qualques 300 istòrias cortas, sièis novèlas, tres racontes de viatge, e un volum de verses. Sa primièra publicacion, Boule de Suif ("Bola de Seu", 1880), es sovent considererada coma son cap d'òbra.