Gabon
From Wikipedia, the free encyclopedia
Gabon, oficialament la Republica Gabonesa, es un estat situat sus la còsta oèst d'Africa Centrala lòng dau Golf de Guinèa au sud de la Guinèa Eqüatoriala e de Cameron e l'oèst de la Republica de Còngo. Sa capitala es Libreville. Lo territòri gabonés si situa principalament dins lo bacin d'Ogooué e lòng de l'eqüator. Es donc un país caud e umid cubèrt de seuvas eqüatorialas gaire pobladas. La mitat de la populacion viu dins lei doas aglomeracions pus importantas (Libreville e Port-Gentil). Es devesida entre un cinquantenau d'etnias, principalament d'origina bantó. Dins lo corrent de la segonda mitat dau sègle XIX, la region foguèt colonizada per França que fixèt lei frontieras gabonesas per una tiera d'acòrdis ambé leis autrei poissanças colonialas. Gabon venguèt independent en 1960, mai França li a gardat una influéncia importanta e li a sostengut lo mantenement de regimes autoritaris favorables a seis interès. L'istòria dau Gabon independent es ansin marcada per lo poder exercit per la familha dei Bongo de 1967 a 2024.
Gabon | |
Gabon | |
Imne: La Concorde | |
Devisa: Union, Travail, Justice | |
Administracion | |
---|---|
Capitala | Liuravila |
Forma de l'Estat | Republica |
President Primièr Ministre | Brice Oligui Raymond Ndong Sima |
Membre de | Nacions Unidas, Union Africana |
Geografia | |
Vila principala | Liuravila |
Superfícia | Classat 76en |
• Totala | 267 667 km² |
• Aiga (%) | 3,76 % |
Punt culminant | Mont Bengoué (ca) |
Demografia | |
Populacion | Classat 148en |
• Totala | 1 454 867 ab. (2005) |
• Densitat | 5,7 ab./km² |
Gentilici | gabonés |
Istòria | |
Independéncia | França |
Descolonizacion | 17 d'agost de 1960 |
Economia | |
Moneda | XAF XAF |
IDH | 0,683 mejan 106 (2013) |
Autras informacions | |
Indicatiu telefonic | 241 |
ISO 3166 | GA |
Fus orari | +1 |
Domeni internet | .ga |
Lo gentilici es gabonés, -a.