From Wikipedia, the free encyclopedia
Un fusiu mitralhaire es un fusiu automatic pesuc destinat a provesir un sostèn fuòc ai fantassins.
Aparegut en 1900, son usatge se generalizèt durant la Premiera Guèrra Mondiala (1914-1918). Leugieras e aisadas d'installar gràcias a un encombrament feble, aqueleis armas avián de defauts importants. Lo premier èra l'utilizacion de cargaires, e non de bendas, çò que limitava la cadéncia de tir. De mai, lei fusius mitralhaires èran sovent de derivats d'armas existentas amb una fisabilitat mau segura. Per exemple, lo Chauchat francés, premier fusiu mitralhaire largament produch, aviá de problemas d'enraiatges frequents e èra mau protegit còntra la fanga.
Après 1918, lo fusiu mitralhaire foguèt l'objècte d'un important esfòrç de recèrca per desvolopar d'armas melhoras e pus fisablas. Lo BREN britanic ò lo Degtiarev DP 28 sovietic, fòrça utilizats durant la Segonda Guèrra Mondiala (1939-1945), son d'exemples caracteristics d'aqueu periòde que veguèt lo fusiu mitralhaire venir lo centre dei grops de combat de l'infantariá dins mai d'una armada modèrna. Venguèt ansin una arma frequenta que demorèt en servici dins la màger part deis armadas regularas fins ais ans 1980 gràcias a son còst feble. Pasmens, lei combats de la Segonda Guèrra Mondiala avián demostrat l'eficacitat superioras dei mitralhièras polivalentas que lo remplacèron pauc a pauc.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.