From Wikipedia, the free encyclopedia
La flausona o flauna es una especialitat culinària del sud de Roergue a basa de recuècha qu'es la gaspa de las fedas cuècha.
Tradicionalament, la recuècha es mesclada amb d'uòus, de sucre e de l'aiga de flor d'irangièr, mas es possible d'ajustar de la farina, de lach o de la crosta per exemple, puèi lo mescla es versat dins una pasta a tarta e cuèch al forn. Aquel dessèrt es lo dessèrt tipic del sud de Roergue, aquò s'explica per lo fach que la recuècha es tanben tipica del sud de Roergue e mai precisament de la region de Ròcafòrt. La recuècha es pas exactament la meteissa causa que la brossa qu'a ela naturalament un gost sucrada, la recuècha es ela salada.
Citacion de Souliè Léa, qu'es una roergassa de Solòbres, dins lo libre Millau-Ouest de Christian-Pierre Bedel : Òm fasiá caufar la gaspa e la recuècha montava. Fasiam una pasta. Batiam la recuècha amb d'uòus, de sucre e un pauc d'ai(g)a de flor d'orangièr. Aquò donava bon gost[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.