From Wikipedia, the free encyclopedia
L'eurodance, o simplament la dance, regropa l'ensemble de las musicas electronicas popularas anglofònas, sustot las eissidas del continent europèu (d'aquí lo nom), avent emergit a la fin de las annadas 1980 e que l'espandiment s'es fach pendent las annadas 1990.
L'emplec dels tèrmes "eurodance" o "dance" (uèi : EDM per "musica electronica per dançar") coïncidís ambe l'aveniment de la house coma estili popular a partir de 1987, çò que fa que lo tèrme al sens larg englòba a l'encòp la dicha house e totes sos derivats, mas tanben totas las musicas popularas que los còdis correspondan o s'aparentan als de la house, que en defòra de l'emplec sistematic de l'anglés coma lenga pel cant, n'i a almens dos flagrants, lo fach d'èsser de musica electronica, e plan sovent (mas pas sistematicament) l'emplec del frasejat rap, particularament present dins la house (a tal ponch que se parla quitament de còps del sosgenre "hip-house"). De notar que lo frasejat rap es tanben un element constitutiu de la tècno dance.
Çò que fa que la dance es un tèrme generic e vaga, musicalament parlant pas objectiu vist qu'incorpòra tanben a partir de 1987 non solament la house e sos derivats (la tècno dance) mas tanben los artistas pop electro apartenent a de genres en realitat jà existents abans la house (Hi-NRG, synthpop, disco etc), e de còps quitament grops de hip hop.
De fach, la sola logica del tèrme "dance" (uèi : EDM) repausa sus la qualificacion d'artistas anglofòns de musica electronica puslèu de las annadas 1990 (al mens apareguts après 1987), ambe una influéncia rap / hip hop evidenta (causa rara abans 1987) e s'adreçant en particular al public de las discotècas.
L'eurodance compila donc al sens larg la musica house (S-Express, Black Box, Yazz, Double Dee), new beat compresa (Confetti's, Technotronic, Hithouse, 1O1, Bassline Boys), ambe la synthpop / hi-NRG europenca tardiva (Sabrina, Samantha Fox, Sandra, Kim Wilde, Rick Astley, Bros, Eighth Wonder, Mel & Kim, Pet Shop Boys, Dobel You etc), la pop-dance de las annadas 1990 al sens larg (Bass Bumpers, Indra, M People, Gala, Ace of Base, Egma, Double You, Everything but the Girl, Nightcrawlers, Kim Kay, Aqua, Eiffel 65, Encore!, Vengaboys, Stardust), e plan solide totes los sosgenres de la house d'aquela decennia, en particular la tècno dance de la periòda 1992-1996 (2 Unlimited, U96, Felix, Haddaway, Dr. Alban, Leila K, Captain Hollywood Project, Ice MC, Masterboy, Maxx, Antares, Cappella, Culture Beat, Snap!, Centory, La Bouche, Magic Affair, Corona, Scooter, Mo-Do, E-Type), dins una mendre mesura d'unes artistas de dream (Robert Miles, X-Perience) e de trance (Darude).
Aital, los artistas equivalents de las decennias seguentas (a partir de 2000) son tostemps sovent etiquetats "eurodance", "dance" ou "EDM" : ATC, Mabel, Alizée, Sophie Ellis-Bextor, David Guetta, Bob Sinclar, O-Zone, Edward Maya, Magic Box, Basshunter, Cascada, Inna, Alexandra Stan, Pakito, Klaas, September, Ocean Drive, Martin Garrix, Avicii, Alan Walker, Calvin Harris, Charli XCX, Dua Lipa, DJ Snake, Leony etc.
Dempuèi las annadas 2000, l'eurodance es de còps apelada alternativament EDM (per "electronic dance music"), etiqueta comòda pr'amor qu'encara mai globala vist que permet d'i inclure (de còps quitament retrospectivament) las produccions vengudas d'autres continents (Kylie Minogue, Adeva, Lil' Louis, Crystal Waters, 20 Fingers, Scatman John, Reel 2 Real, Cher, Paul Johnson, Britney Spears, iiO, The Black Eyed Peas, LMFAO, Rihanna, Lady Gaga, The Weeknd etc).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.