Estèla (fusta)
From Wikipedia, the free encyclopedia
Una estèla es un fragment de fusta talhada fòrça prim, un ressegum o un rèste de la talhada de la fusta.[1]
Per estenxion, una estèla boscassièra es un combustible que ven de la trissatge de la biomassa boscassièra non utilizabla per d'aplicacions amb valor aponduda superiora. Son poder calorific, pòt oscillar entre 3000 e 3300 kcal/kg, segon l’espècia utilizada. Amb la lenha, los pellets e lo ressegum, l'estèla boscassièra es una de las fonts de biomassa d'origina bosquièra utilizada coma font d'energia en caudièras.
L'estèla s’obténer trissan la fusta non valorizabla per d’autres usatges. Se presenta en forma de pichons tròces de lenha, amb de dimensions a l'entorn de 2 × 2 × 5 cm. Son tau d'aiga varia dempuèi 25 a 35% en l'estèla per pichonas caudièras domesticas, fins a 40 a 55% per las grandas caudièras industrialas. A causa de l'espandiment, 1 m3 de fusta solida equival a unes 2,5 a 3 mètres cubics un còp estellada.
Dona un rendiment energetic superior a la lenha entièra, e comparable amb aqueste dels combustibles fossils, 2,5 tonas d'estèla equival a gaireben una tona equivalent de petròli (1 tep).