From Wikipedia, the free encyclopedia
Escòrpi I o Serket I siguec un arrei deth Naut Egipte pendent eth periòde protodinastic. Eth sòn nom pòt hèr referencia ara deessa escòrpi Serket.
Se pensa que demorèc en Tinis un o dus sègles abans qu'eth mielhor conegut arrei Escòrpi de Nekhen. Segontes Günter Dreyer, eth tombèu U-j deth cementèri reiau d'Abidos ei sòn. Aciu siguèren enterradi es arreis tinites. Aguest tombèu siguec ja raubat pendent era ancianetat mès s'i an trapat plan de petites plaques d'evòri, totes damb un horat e dilhèu ua o mès marques ieroglifiques que poirien èster noms de viles e dilhèu èren destinades a èster estacades a quauque tribut o aufrenda e poder atau èster identificades. Dues d'aguestes plaques hen referencia a Baset e Buto, dues viles deth Delta deth Nil e açò confirmarie qu'es armades d'Escòrpi I avien dintrat laguens eth Baish Egipte. [1]
Eth professor John Darnell, dera Universitat de Yale, descobriguèc hè poc unes inscripcions de mès de 5.000 annades damb es simbèus d'Escòrpi I on se pòt veire era victoria d'aguest sus un aute arrei protodinastic, possiblements er arrei de Naqada. Er arrei vençut, o eth loch, ei representat per un cap de bueu , ua marca tanben trapada en eth tombèu U-j.[2]
Divèrsi autors pensen qu'Escòrpi I e Escòrpi II siguèren era meteissa persona. Er arrei Escòrpi I avie regnat 200 ans abans que Narmer [3].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.