From Wikipedia, the free encyclopedia
La diocèsi d'Alet (en latin : Dioecesis Electensis) es una anciana diocèsi de la Glèisa Catolica, creada en 1318 e suprimida en 1801.
La diocèsi d'Alet se creèt en 1318, per desmembrament de l'Archidiocèsi de Narbona. Le papa Joan XXII auriá volgut fixar la residéncia de la diocèsi a Limós, çò que faguèt en 1317, mes de personalitats regionalas se'n planguèron : l'arquevesque de Narbona, perqué vesiá que perdiá una bona partida de sa diocèsi e subretot la priora de Prolha, co-senhoressa de Limós. Joan XXII cediguèt e suprimiguèt sa bulla de 1317. La diocèsi de Limós durèt atal sonque una pichona annada. Le 18 febrièr de 1318, le papa fixèt la residéncia a Alet. Le darrèr abat d'Alet venguèt le primier avesque.
La diocèsi compreniá le Naut Rasés, Fenolhedés, le País de Saut. I ajustèron Capcir e Donasan, que, pel temporal, dependián del Conselh Sobiran de Perpinhan e del Jutge Sobiran de Donasan.
La diocèsi èra devesida en dos archipreirats qu'avián per caplòcs la glèisa Sant Andrieu d'Alet, pel Naut Rasés, e Caudièrs de Fenolhet pel Fenolhedés. Al sègle XVII, pendent l'episcopat de Pavillon, èra subdevesit en sèt districts, que a son cap avián un vicari forenc; los caplòcs èran Alet, Caudièrs, Escolobre, Espesèlh, Formiguera, Quilhan e Sant Pau de Fenolhet [1].
La diocèsi foguèt suprimida per la Constitucion Civila del Clergat, pas reconeguda pel papa, puèi pel Concordat de 1801.
En genièr de 2009, la diocèsi d'Alet foguèt restaurada coma diocèsi titulara. Foguèt atribuïda pel primièr còp lo 9 de julhet de 2009 a Gérard Coliche, avesque auxiliar de Lilla.
La diocèsi compreniá 90 parròquias e 36 annèxas. Ajustam entre parentèsis lo n° del departament, quand es pas l'Aude.
Caplòc Alet (glèisa Sant Andrieu), 60 parròquias e 28 annèxas.
BAS-DIOCÈSI.
PAÍS DE SAUT.
DONASAN.
CAPCIR.
Caplòc Caudièrs de Fenolhet, 30 parròquias e 8 annèxas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
