From Wikipedia, the free encyclopedia
Lo clima eqüatorial es un tipe de clima de la zona cauda intertropicala. Concernís las regions mejacièras de l'eqüator.
Se caracteriza per una sola sason, de fòrtas precipitacions que los maxims d'intensitat son als equinòccis, e amb una fòrta calor gareben de contunh tot l'an. La temperatura mejana es de 28 °C. Es un clima caud e umid, que dona la sensacion de mostor. La pression atmosferica es totjorn baissa. Los vents son rars, levat qualques tornadas o tifons ligats a de pressions localas flacas. Las pluèjas son gaireben quotidianas per un total anadièr d'uns 1 755 mm. Las pluèjas son fòrça mai abondantas als equinòccis e se debanan puslèu en vesprada. En efècte, l'aire caud se carga en umiditat e coneis un moviment ascendant. Amb l'altitud, se produch un refregiment (amb formacion de nívols de tipe cumulonimbus) que provòca de pluèjas sovent violentas.
Los rius an sovent de debits gigantescs: lo flum Còngo raja 40 000 m³ per segonda e l'Amazonas, près de 150 000. Los sols son ruscats e donan la Laterita de color roja (a causa de la preséncia d'oxíd de fèrre), que los autres minerals solubles (en particular las basas) s'anèron. Son alara de sols paures. Sa vegetacion naturala est la sèlva densa (o jungla).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.