![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/03/Average_prokaryote_cell_numbered.svg/langoc-640px-Average_prokaryote_cell_numbered.svg.png&w=640&q=50)
Cellula (biologia)
From Wikipedia, the free encyclopedia
Era cellula qu'ei era unitat biologica minimau dotada d'un metabolisme qui era permet de créisher e se reprodúser mercés aus elements exteriors qu'ingereish en tot eliminar eras deishas e eths produts toxics.
![Thumb image](http://upload.wikimedia.org/wikipedia/commons/thumb/0/03/Average_prokaryote_cell_numbered.svg/320px-Average_prokaryote_cell_numbered.svg.png)
1. Pili
2. Plasmidi
3. Ribosòma
4. Citosòu
8. Membrana plasmica
5. Paret cellulara
6. Capsula
7. Acid desoxiribonucleïc
8. Nucleotid
9. Flagèl
Eth nom de cellula que's refereish au hèit qu'ua cellula biologica que dessepara un mitan intracellular (eth citoplasma, on e banhan eths organets dera cellula) e un mitan extracellular mercés a ua membrana lipidica (qui regula eths escambis enter eths dus mitans). Dehens la cellula, reaccions metabolicas que's realizan mercés aths sons pròpis enzims.
![Thumb image](http://upload.wikimedia.org/wikipedia/commons/thumb/1/1a/Biological_cell.svg/640px-Biological_cell.svg.png)
1. Nucleòl
2. Nuclèu (qui embarra er acid desoxiribonucleïc e eth nucleòl)
3. Ribosòma
4. Vesicula
5. Reticulum endoplasmic granulós
6. Aparelh de Golgi
7. Citoesquelet
8. Reticulum endoplasmic lis
9. Mitocondrias
10. Vacuòla
11. Citosòu
12. Centriòu
Cada cellula que possedeish un cabau genetic marcat suber eth son d'ADN. Aqueth ADN qu'ei era hònt der'informacion qui permet de sintetizar eras proteïnas (e, enter eras, los enzims) d'era cellula.
Be i a de duas classas de cellulas: eras cellulas procariòtas (qui, com los bactèris, an eth lor ADN libre dens eth citoplasma) e eras cellulas eucariòtas (er'ADN deras quaus ei embarrat dens un nuclèu).