Carri Schneider CA1
From Wikipedia, the free encyclopedia
Lo carri Schneider CA1 es un carri desvolopat e utilizat durant la Premiera Guèrra Mondiala per la companhiá francesa SOMUA. Destinat a passar lei rets de barbelats e a destrurre lei posicions de mitralhièras enemigas, èra un veïcul de 14 tonas armat d'un canon de 75 mm e de doas mitralhièras de 8 mm. Lo blindatge èra feble (16,5 mm) e la velocitat sus lo prat batalhier limitada entre 2 e 3 km/h. Un ponch importanta èra la fisabilitat de son motor que permetiá de limitar lei panas, causa premiera de neutralizacion d'un carri a l'epòca. Participèt a plusors batalhas importantas coma l'Ofensiva Nivelle còntra lo Camin dei Damas e la batalha de la Malmaison. Pasmens, son organizacion intèrna primitiva èra fòrça inferiora a aquela dau Renault FT-17. Ansin, la produccion de Schneider s'arrestèt tre aost de 1918 après la sortida de 400 exemplaris. Après la Premiera Guèrra Mondiala, Espanha recebèt quauqueis exemplaris que foguèron utilizats durant la Guèrra dau Rif (1921-1926) e durant la Guèrra d'Espanha (1936-1939).