From Wikipedia, the free encyclopedia
Lo carri Fiat M14/41 es un carri mejan italian de la Segonda Guèrra Mondiala concebut coma un melhorament dau Fiat M13/40. Partejava ansin lo quadre de son predecessor mai dispausa d'un blindatge un pauc pus eficaç. L'armament principau demorava un canon de 47 mm e l'arma segondari èra compausat de quatre mitralhièras de 8 mm. Un motor diesel permetiá d'agantar una velocitat de 32 km/h sus rota. Pasmens, aqueu carri gardava lei problemas dei carris Fiat M11/39 e Fiat M13/40, es a dire un canon e un blindatge tròp febles per tenir lo ròtle de carri mejan, una fisabilitat mecanica insufisenta e una cadéncia de produccion incapabla de sostenir lei besonhs de l'armada italiana. Aperaquí 800 exemplaris foguèron produchs.
A son intrada en servici, lo Fiat M14/41 èra ja obsolèt mai participèt ai combats en Africa dau Nòrd. Èra capable de rivalizar amb lei carris leugiers aliats mai mostrèt rapidament sei limits còntra lei blindats pus pesucs. De mai, lei panas èran frequentas e lei veïculs tocats avián tendància a cremar, çò qu'empachava una reparacion. Après la capitulacion dei fòrças germanoitalianas en Africa en mai de 1943, la màger part deis exemplaris subrevivents foguèron capturats per leis Aliats. Assaièron de leis integrar dins sei fòrças mai lo retirèron rapidament.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.