From Wikipedia, the free encyclopedia
Una campanar de paret o campanar mur es un element arquitectural, vertical e plan, plaçat al naut o a l'abans d'un edifici (mai sovent un glèisa) per portar de campanas.
S'agís d'una paret unica traucada d'una o mai baias destinadas a contenir una o mai campanas. En partida bassa, las campanas pòdon èsser aparadas per un balet de fusta, jamai de maçonariá. Un simple supòrt de maçonariá, per una sola campana, se deuriá pas qualificar de campanar de paret.
L'Abadiá d'Obasina, foguèt una de las mai grandas glèisas de Lemosin, ten una faciada amb un capital triangular traucat de 3 baias per las campanas.
Lo tolosenc conéis un grand desvelopament del campanar de paret, amb la construccion en brica e un emplec frequent a partir de l'epòca gotica, de l'arc en mitra tipic inspirat de las grandas glèisa de la Vila (Glèisa de Nòstra Dòna del Taur). Lo campanar de paret s'espandís tanben al las regions mejancièras ont la pèira es lo material de construccion màger.
La província basca de Sola se caracteriza per un grand nombre de campanars de paret dichs trinitaris: son encapitats de tress puntas representant la Trinitat crestiana.
Al sègle XV, lo campanar de paret es plan simple, avec un modèst campaneròt d'una sola baia. E la torre coronada d'una flècha èra reservada a las parròquias ricas.
Existissiá en Picardia una tradicion de campenards (campanar de paret). Fòrça glèisas pichonas ruralas patiguèron dels combats de la Primièra Guèrra mondiala e desapareguèron, mas unes tornèron èsser bastir al modèrne.
Lo campanar d'arcada es una particularitat de las glèisas de la vila de Pskov en Russia (mas tanben n'i a a Rostov Veliki, a Souzdal, a Nòvgorod). A partir del sègle XV fòrça campanars d'aquel tipe aparéisson dins la vila. Son susmontats d'una crotz. Al començamet coma las campanas èran pichonas demandavan sonque dos pilars de fusta ligart per una biga orizontala. Mas pauc a pauc la pèira aparéis, e tanben amb las campana mai pesugas[1].
Modèl:Autres projets
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.