Bazajet II
From Wikipedia, the free encyclopedia
From Wikipedia, the free encyclopedia
Bazajet II (3 de decembre de 1447 - 26 de mai de 1512) foguèt lo 8en sultan otoman dau 3 de mai de 1481 au 24 d'abriu de 1512. Succediguèt a son paire Mehmet II (1451-1481) e foguèt remplaçat per son fiu Selim Ièr (1512-1520).
Dins lo corrent de son rèine, deguèt faciar divèrsei dificultats entraïnadas per l'expansion rapida dau rèine de son paire. En Euròpa, capitèt d'obligir lei reiaumes d'Ongria, en declin dempuei la fin dau sègle XV, e de Polonha-Lituània de reconóisser la senhoriá otomana sus lei regions de Valaquia e de Moldàvia. Pasmens, la menaça principala de son rèine apareguèt lòng de la frontiera orientala de l'Empèri. D'efèct, après la reünificacion de Pèrsia per la dinastia safavida, lo chah Ismail Ièr (1501-1524 adoptèt lo chiisme duodeciman coma mejan d'unificacion dei pòbles diferents dau plan iranian. Unei populacions turcomanas d'Anatolia, totjorn ostilas ais Otomans, se ralièron ai Safavidas e certanei se convertiguèron tanben au chiisme (duodeciman ò alevi). La question politica dau contraròtle dei Turcomans d'Anatolia se doblèt donc d'una question religiosa. La fin de son rèine foguèt marcada per una guèrra civila acomençada en 1509 còntra sei fius entraïnada per lei revòutas intèrnas dei Turcomans d'Anatolia. Bazajet II foguèt vencut en 1512 per son fiu Selim Ièr que venguèt lo sultan novèu. Refugiat a Dimetoka en Tràcia, Bazajet moriguèt un mes après sa desfacha.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.