Batalha de Palèrme (1676)
From Wikipedia, the free encyclopedia
La batalha de Palèrme foguèt un combat navau que se debanèt lo 2 de junh de 1676 durant la Guèrra d'Olanda. Foguèt la consequéncia de l'ataca de la flòta francesa dau duc de Vivonne (29 vaissèus, 25 galèras e 9 brutlòts) còntra la flòta hispano-olandesa ancorada dins lo pòrt de Palèrme (27 vaissèus, 19 galèras e 4 brutlòts). Durament tocats per sa desfacha d'Agosta, leis Espanhòus e leis Olandés èran a reparar sei naviris e avián pres ges de mesura per protegir lo pòrt. Foguèron donc totalament suspres per l'ataca dei brutlòts francés que destruguèron aperaquí la mitat dei naviris presents.
![Thumb image](http://upload.wikimedia.org/wikipedia/commons/thumb/6/6e/Battle_of_Palermo_1676.jpg/320px-Battle_of_Palermo_1676.jpg)
Lo bilanç dau combat foguèt catastrofic per leis Espanhòus e leis Olandés que perdiguèron 12 vaissèus, 6 galèras, 4 brutlòts e 2 000 a 2 500 marins tuats, compres leis amiraus Don Diego de Ibarra e Jan den Haen que comandavan respectivament lei naviris espanhòus e olandés. De son caire, la marina francesa perdiguèt solament 200 tuats e bleçats e ganhèt lo contraròtle de la Mar Mediterranèa.