From Wikipedia, the free encyclopedia
La batalha de Bir Hakeim se debanèt dins lo corrent de la Segonda Guèrra Mondiala dau 26 de mai au 11 de junh de 1942. Consequéncia de la desfacha aliada a la batalha de Gazala, opausèt una bregada francesa (3 723 òmes) cargada d'alentir la progression enemiga de plusors divisions alemandas e italianas (37 000 òmes). Maugrat son inferioritat numerica, lei tropas francesas, princialament formadas de legionaris e de tropas colonialas, capitèron de resistir doas setmanas. Puei, rompèron de nuech l'enceuclament dei fòrças de l'Axe per ragantar l'armada britanica d'Egipte.
Lei Francés perdiguèron aperaquí 1 200 òmes (140 tuats, 229 bleçats e 814 presoniers) e 40 canons còntra 3 300 tuats ò bleçats, 51 carris e 49 avions per lei Germanoitalians. Aqueu succès foguèt la premiera contribucion militara importanta de la França Liura a l'esfòrç de guèrra aliat e aguèt un ròtle significatiu dins sa reconeissença politica per leis Aliats. Plusors unitats (1èr batalhon de fusilhièrs marins d'artilhariá (DCA), 2en batalhon de Legion Estrangiera - seccion de la 1a companhiá anti-carris, 1èr regiment d'artilhariá e batalhon de marcha n°2) foguèron citats a l'òrdre de l'armada francesa a l'eissida de la batalha per lo generau de Gaulle.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
