From Wikipedia, the free encyclopedia
La batalha d'Anglatèrra es una batalha aeriana que se debanèt dins lo corrent de la Segonda Guèrra Mondiala en julhet de 1940 e mai de 1941. Opausèt l'aviacion britanica, renfòrçada per de volontaris venguts de país estrangiers (Polonés[1], Checoslovacs... etc.) ò dau Commonwealth (Neozelandés, Canadencs... etc.), ai fòrças aerianas alemandas renfòrçadas per d'unitats italianas. Foguèt la consequéncia de la temptativa alemanda de destrurre l'aviacion britanica, de destrurre seis infrastructuras e d'anientar sei capacitats de produccion ò de mantenença. Un segond objectiu èra de terrorizar lei populacions civilas britanicas. Pasmens, l'ofensiva se turtèt a una resisténcia acarnada e mau capitèt. En mai de 1941, leis Alemands deguèron l'arrestar après la pèrda de 1 887 avions e d'aperaquí 4 300 pilòts còntra solament 1 547 avions, 544 pilòts perduts e un milier de personaus suplementaris per leis Aliats. Aperaquí 40 000 civius foguèron tuats e 50 000 bleçats per lei bombardaments alemands.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
