![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/76/Anatomical_Man.jpg/640px-Anatomical_Man.jpg&w=640&q=50)
Astrologia
From Wikipedia, the free encyclopedia
L'astrologia (del grèc αστρολογία = άστρον, astron, “astre, estela” + λόγος, logos, “mot”) es la doctrina e l'estudi especulatiu de las influéncias dels astres sul mond soslunar, particularament sul destin dels òmes e suls fenomèns meteorologics segon los concèptes predominants abans la naissença de la sciéncia modèrna; es un dels nombroses sistèmas o tradicions que se fa servir la coneissença de las posicions aparentas dels astres per comprendre, interpretar e organizar la coneissença sus la realitat e l'existéncia umana sus la Tèrra.
![Thumb image](http://upload.wikimedia.org/wikipedia/commons/thumb/7/76/Anatomical_Man.jpg/640px-Anatomical_Man.jpg)
Totas las tradicions astrologicas se fondamentan sus las posicions relativas e los movements de diferents còsses celèstes vertadièrs o sortits de l'imaginacion umana, tal com se veson al moment e al lòc de naissença o d'autres faches que son estudiats. Se prenon en compte subretot lo Solelh, la Luna e las planetas.
![Thumb image](http://upload.wikimedia.org/wikipedia/commons/thumb/f/fb/Astrological_Glyphs.svg/200px-Astrological_Glyphs.svg.png)
D'autres elements importants son l'ascendent (gra del signe que apareis al levant a un moment donat), lo descendent (ponch opausat a l'anterior), lo Medium Coeli o Mièg Cèl (ponch que l'ecliptica e lo meridian del lòc de naissença se copan); l'Imum Coeli (lo ponch opausat al Mièg Cèl); e los nòdes lunars.