Agland

L'agland (var. aglan) es lo fruch deis espècias dau genre Quercus.

Leis aglands deis euses (la sosespècia ilex ne fa amars e la sosespècia ballota ne fa doces), son culhits per la noiridura dau bestiau (lei pòrcs que paisson dins lei pasturatges manjan leis aglands casuts, mentre que lei cabras escalan sovent sus leis arbres en lei cercant).

Lei pòbles cèltas dau nòrd e dau centre de la Peninsula Iberica preromana ne fasián de farina panificabla, segon çò que ditz Estrabon dins sei escriches sus aquelei pòbles:

«Aquelei montanhòus, pendent dos tèrces de l'an, se noirisson d'aglands d'euse, que daissan secar, que lei trissan e que'n fan de pan que se sèrva per un temps»

Lo fruch se pòt manjar crus o torrat. Se'n fa tanben una licor deliciosa.

Wikimedia Commons prepausa de documents multimèdia liures sus Aglands.