From Wikipedia, the free encyclopedia
Essop Pahad | |
---|---|
![]() Essop Pahad (1985) | |
Tona ka Bopresidenteng | |
Mo setulong 14 June 1999 – 24 September 2008 | |
Leloko la Palamente | |
Yo a lego gona | |
O thomile ofising 10 May 1994 | |
Parliamentary Counsellor | |
Mo setulong 10 May 1994 – 14 June 1999 | |
Ditshidimošo tša gagwe | |
O belegwe | Essop Goolam Pahad 21 Phupu 1939 Schweizer-Reneke, Transvaal, South Africa |
O hlokofetše | 6 Mosegamanye 2023 84) | (aged
Mokgatlo wa dipolotiki | African National Congress |
Bana | 2 |
Mo tharing ya |
|
Essop Goolam Pahad (21 June 1939 – 6 July 2023[1]) e be e le radipolotiki wa Afrika Borwa. O šomile bjalo ka Tona ka Kantorong ya Mopresidente go tloga ka 1999 go fihla ka 2008, gomme e bile modirišani wa kgauswi wa Thabo Mbeki.[2]
Pahad o belegetšwe Schweizer-Reneke Profenseng ya peleng ya Transvaal..[3] E be e le morutwana wa kgale wa bobedi Yunibesithi ya Witwatersrand (Wits) le Yunibesithi ya Sussex. O thomile mošomo wa gagwe wa thuto ka legoro la Bachelor of Arts la mahlale a dipolotiki kua Wits. Yunibesithing ya Sussex, o phethile Master of Arts dipolotiking tša Afrika gammogo le PhD ya gagwe historing. Thaetlele ya thesese ya gagwe e be e le "Tlhabollo ya Mekgatlo ya Dipolotiki ya India ka Afrika Borwa 1924 – 1946." E be e le ngwanabo Aziz Pahad.
Mošomo wa gagwe wa dipolotiki o thomile ka 1958 ge a be a eba setho sa Transvaal Indian Youth Congress. Ka 1962 Pahad o ile a swarwa ka lebaka la go rulaganya seteraeke seo se sego molaong, ka morago ga go thibelwa ga African National Congress. Ka December 1964, Pahad o ile a thibelwa ka nywaga e mehlano gomme a ya bothopša. Ge a le bothopša, Pahad o ile a tsenela ka mafolofolo kudu le ANC le SACP. O emetše SACP lekgotleng la barulaganyi bakeng sa Tlhahlobo ya Bo-Marx ya Lefase.[4]
Ka morago ga dikgetho tša kakaretšo tša Afrika Borwa tša 1994, Pahad o šomile bjalo ka Moeletši wa Palamente go Motlatšamopresidente wa nako yeoThabo Mbeki. O thwetšwe bjalo ka Tona ka Kantorong ya Mopresidente ka morago ga dikgetho tša kakaretšo tša 1999. Ka 2000 go begilwe gore ka kopanong ye e tswaletšwego ya komiti ya taolo ya ANC Pahad o lekile go thibela dinyakišišo tša bomenetša ka go Kwano ya Dibetša, e lego tatofatšo yeo Pahad a e gannego go sa šetšwe dipego tše ntši tša go fapana le seoy.[5]
Pahad o bile le seabe go kgoboketšeng R1.55 milione go tšwa go bathekgi ba dikhamphani go thwala Ronald Suresh Roberts go ngwala taodišophelo ya Mopresidente wa nako yeo Mbeki..[5]
Ka morago ga go rola modiro ga Mbeki bjalo ka Mopresidente wa Afrika Borwa ka Lewedi 2008, Pahad o ile a romela go itokolla ga gagwe bjalo ka Tona.[6][7]
Pahad e be e le leloko la Komiti ya go Rulaganya Sebjana sa Lefase sa FIFA sa 2010 seo se swerwego ka Afrika Borwa, gomme a bolela ka 2008 gore bašweu ba Afrika Borwa ba nyaka gore tiragalo ye e palelwe. Dinyakišišo tše di ikemetšego tša Lekgotla la Dinyakišišo tša Mahlale a Batho (HSRC) di begile ka Pherekgong 2010 gore bašweu ba Afrika Borwa ge e le gabotse ka kakaretšo ba thekga tiragalo ye.[8]
Pahad o tšerwe filimi a le gona lenyalong la Vega Gupta le Aakash Jahajgarhia tiragalo yeo e hlotšego seo se bitšwago mahlabisadihlong a Gupta-gate ka Afrika Borwa.
Pahad e be e le modulasetulo wa boto ya South Africa/Mali Timbuktu Manuscripts Trust gammogo le modulasetulo wa boto ya bahlokomedi ba South African Democracy Education Trust, le leloko la komitiphethiši ya bosetšhaba ya African National Congress.[3] Morago ga go tlogela mmušo ka 2008 Pahad o thakgotše jenale ya Afrika Borwa ya kgwedi le kgwedi (ka morago ya kotara) yeo e bitšwagoThe Thinker,[9] yeo ka morago e ilego ya tšewa ke Yunibesithi ya Johannesburg ka 2019.
Pahad o hlokofetše ka kankere ka la 6 Julae 2023, a na le mengwaga ye 84.[2][10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.