Ûrope

L' Ûrope ( Ûrope; Guernésiais : Urope) est un continnent. Autrément oulle est considéthée eune partie d'un continnent Ûrâsien (Ûrope et Âsie ensembl'ye).

Ch't' articl'ye fut c'menchie en Jèrriais

S'lon la couôteunme, l'Ûrope s'êtrueûle jusqu'ès montangnes Ourales et ès montangnes Caucases, mais touos l's ièrs n'vaient pon d'eune sorte sus la tchestchion où'est qu'est la frontchiéthe d'l'Ûrope vèrs l'Êst.

Les jouaingnants du continnent sont par l'Sud la Turtchie (la partie en Âsie), la Méditèrrannée, par l'Vouêt l'Atlantique et par l'Nord l'ochéan Arctique.

Duthant la Fraide Dgèrre (1945-1989) lé continnent fut dîvisé politiquement entré l'Ûrope du Vouêt et l'Ûrope dé l'Êst (souos la dominnâtion d'régînmes commeunistes). D'pis la tchête d'la Muthâle d'Bèrlîn et la dêbouêqu'thie du Ridgeau d'Fé, les pays du Vouêt et d'l'Êst du continnent sont pustôt rappréchis politiquement, socialement et êconomiquement.