Eune porte ou un us est un mouoyen d'freunmer un appartément ou bârrer eune maîson ou un bâtisse - mais des boulants (trains, vaituthes, beusses) ont d'couôteunmes des portes, et des meubl'yes (armouaithes).
- Cotentinais : hus, porte
- Guernésiais : hu, hus
- Jèrriais : porte, us
- Serkyee : üü
Ch't' articl'ye fut c'menchie en Jèrriais |
Nou peut ouvri l'us pouor entrer ou sorti ou laîssi pâsser un couothant d'air, par exempl'ye. Nou peut freunmer l'us pouor la seûth'té, la caleu, garder chein tch'est privé....
Y'a des difféthentes manniéthes dé porte ou d'us.
Eune maîson peut aver eune grand' porte ou un grand us (
grànd hus, hus dé d'vant) - ch'est l'entrée prîncipale, la pus împortante (lé grand us est étout la pus grande des deux arches d'eune entrée; et lé p'tit us est la cheinne pouor les piêtons). La p'tite porte ou lé p'tit us ( p'tit hu, hu d'derrière) est la porte dé driéthe.
Un us ( hecq), en partitchulyi, peut aver deux parties: un battant à haut et un hai à bas. Sus eune fèrme, ch'est bein car nou peut ouvri l'battant sans laîssi pâsser d's annimaux dans la maîson. L's êtabl'yes ont souvent d'ches us.
Un porta (
pouorta) est eune manniéthe dé porte. Chenna peut êt' eune porte dans eune muthâle dé gardîn - eune grande ou eune p'tite. Chenna peut êt' eune p'tite porte, dans eune grande porte, pouor les piêtons. Chenna peut êt' étout l'grand us d'eune églyise.
Un vitchet ( huisset, quichet, viqùet) est eune p'tite porte.
Eune porte drissante ouvre dé bord. Y'a bein des portes automatiques dans des grandes boutiques ou des bâtisses publyis tchi sont des portes drissantes. Nou trouve étout des portes touônnantes ou portes en vitheveau.
Eune porte peut aver eune sétheûthe à seule fîn d'bârrer la porte atout eune clié.
Ch'te section est écrite en cotentinais |
L'entraée d'eun' hus sé noume lé pas de l'hus. Si l'hus est froumaé aveu eune cllé, no dit qu'il est bastilli, ou barraé. Dire barraer eune porte, cha vyint qu'âotefeis, eune barre dé boué 'tait cachi derryire la porte. No-z-en veî co dauns qùiques égllises.
Y a déeus mannyire dé viqùets, les syins des portes dé maisoun. Ch'est eun battaunt qùi s'ouve, mais la porte reste froumaée. I peut y avaer eune crouésie en dedauns. Mais le viqùet, ch'est itou le trou des touniâos, par où qu'eun quenâle peut s'entraer de dedauns pouor le nettiaer (touné à beire).
Gal'lie
Un us à deux battants (
hecq)
Lé grand us est la pus grande des deux arches; lé p'tit us est la cheinne pouor les piêtons
Un porta peut êt' eune p'tite porte dans eune grande porte
Un porta peut êt' eune grande porte coumme la cheinne d'la cathédrale dé Rouën
L'ûss'sie ( huss'rie, entraïe) est l'creux dans eune muthâle par tchi qu'nou-s'entre et tchi peut êt' freunmé par un us
Des vaituthes ont des portes
Eune catchiéthe est un vitchet pouor les cats
Un porta peut êt' eune grande porte coumme la cheinne d'la cathédrale dé Frombork
Ditons
Jèrriais
- Quand la forteune tape à l'us, faites-la entrer
- Grand Jeudi est à l'us, la s'maine est sus l'pus
- Quand i' fait fraid, les portes valent mus qu'les hèches
- Les portes ont d's ouothelles
- Eune aûmathe n'a qu'eune porte
Viyiz étout
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
