From Wikipedia, the free encyclopedia
Un sonnet est eune poésie à 14 lîngnes. San nom veint d'l'Italien et veurt dithe "eune pétite chanson".
Ch't' articl'ye fut c'menchie en Jèrriais |
Y'a des difféthentes manniéthes dé sonnet. lé sonnet fut înventé par l'Sicilien Giacomo da Lentini, épis transmîns en Tostchangne où'est qu'des sonnets fûtent composés par Dante.
Lé sonnet Italien avait eune partie en 8 lîngnes (en deux vèrsets d'4 lîngnes) épis eune partie en 6 lîngnes. Les rînmeurs proposaient un dêtou au mitan, un changement d'ton ou d'avis auprès la huitchième lîngne.
Nou rînmait pustôt coumme ches'-chîn:
L'rînmeux Italien Francesco Petrarca composit les pus fanmeurs sonnets d'chu temps-là.
Lé sonnet crouaîsit en France et fut atchilyi par la dgaîngue dé rînmeurs mênommée La Pléiade. Les sonnets Français sont composés pustôt en alexandrîns.
Ch'fut Thomas Wyatt tch'apportit l'sonnet en Angliétèrre en translatant des sonnets d'Petrarca et d'Ronsard. Les sonnets Angliais sont composés pustôt en pentamètre iambique.
Les rînmeurs Angliais siévaient l'patron Italien pouor c'menchi, mais Messire Philip Sidney et d'aut's dêv'loppîtent lé sonnet en trais vèrsets d'4 lîngnes et un coupliet. Ch'est chu coupliet tchi présente lé dêtou, ouaithe qu'nou piêsse aver un p'tit dêtou ou eune nouvelle idée au c'menchement du traîsième vèrset. William Shakespeare fit sèrvi chu sonnet tchi rînme coumme chennechîn:
Chu sonnet d'Aundré-J. Desnouettes (André Dupont) rînme ainchîn: abba abba bbc ddc
Ch't-ichin est en gùernésiais,
à l'houneur de Jore Métivier, le prémyi rimeus de Gùernesey (1865).
La Gazette Officielle de Guernesey 1yi de juilet 1865. venaunche
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.