From Wikipedia, the free encyclopedia
La Preunmié Tou (
La Preunmié Tou), ou la Ville ès Nouaux, est eune contrée d'la Vîngtaine du Mont Couochon à Saint Hélyi en Jèrri.
Ch't' articl'ye fut c'menchie en Jèrriais |
Ch'est eune partie d'la Baie d'Saint Aubîn entre lé Mont ès Pendus et la frontchiéthe dé Saint Louothains au Dou dé D'mi. Eune tou fut bâtie dans les 1780 à la Ville ès Nouaux au pid du Mont Couochon - ch'est la preunmié tou au Vouêt d'la Ville.
Nou tchithiait du sablion des mielles pouor lêter des navithes. En 1865 en dêfouissant du sablion nou dêcouvrit des grandes pièrres. Ches pièrres fûdrent dêfouies par d's archéologistes en 1883; y'a deux pouquelayes. En 1911 lé Juge Gervaise Lé Gros donnit l'tèrrain à l'entou des pouquelayes à la Pâraisse dé Saint Hélyi pouor un par.
Dans l'par y'a l'églyise dé Saint André. Ch't' églyise fut fondée en 1850 dans l'Pèrquage à Saint Hélyi coumme chapelle ès navidgants; un bâtisse pèrmanent fut bâti en 1854 dans l'Espliannade. Coumme y'avait mains d'batchieaux en Ville mais pus d'maîsons à La Preunmié Tou, nou décidit d'transféther l'églyise là-bas. La nouvelle églyise fut consâcrée en 1927
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
