From Wikipedia, the free encyclopedia
Les braies (Serkyee : bree) sont eune manniéthe dé habit atout tchi nou couvre les parties, les tchiêsses et ofûche les gambes.
Ch't' articl'ye fut c'menchie en Jèrriais |
Y'a des courtes braies qu'nou porte en Êté ou pouor lé sport; y'a des longues braies qu'nou met pouor protégi ses gambes ou pouor la formalité, ofûche coumme eune partie d'un fa.
Les parties d'eune pathe dé braies:
I' pathaît qu'les c'valièrs nomades dé l'Âsie 'taient les preunmièrs à lus braiesi, viyant qué ch'tait pratique pouor aller à j'va l'travèrs des pliaines. Les Chinnouais empruntîtent chutte faîchon pouor lus soudards d'vant l'Christ. I' sembliéthait qu'des hoummes Celtiques portaient des braies dans les touos vièrs temps, et avaû les siècl'yes la faîchon des braies r'appathaîssait par des temps en Ûrope. Mais ch'a 'té d'pis l'16e siècl'ye qu'les braies ont 'té pustôt la faîchon en Ûrope.
Nou portait des cauches et des braies, mais les longues braies d'vîntent la mode pouor l's hoummes en Ûrope pouor lé c'menchement du 19e siècl'ye.
Les braies à femmes 'taient portées par des paysannes, des pêqu'rêsses, des minn'rêsses et d's ouvriéthes d'vant l'20e siècl'ye, mais ch'fut raîqu'auprès la Preunmié Dgèrre Mondiale qu'les femmes en braies c'menchîtent d'êt' atchilyies parmi les gens d'sociêté - mais pustôt siez l's artistes et l's acteurs. Quand les femmes avaient à faithe l'travas ès hoummes duthant la S'gonde Dgèrre Mondiale, les braies 'taient des habits pratiques.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.