From Wikipedia, the free encyclopedia
Eune pièrre dé chorchièrs ( pièrre dé chorchièrs) est eune pliate pièrre sus les bords des cheunm'nées d'vielles démeuthes.
Ch't' articl'ye fut c'menchie en Jèrriais |
En Jèrri, nou-s'explyique dé couôteunme qu'les gens du temps pâssé bâtîtent ches pièrres pouor pouver offri un mio d'èrpos ès chorchièrs et ès chorchiéthes quand ches'-chîn 'taient à voler à lus sabats. Malheu ès cheins tchi n'laîssaient pon eune pièrre à lus jutchi sus ès chorchièrs, car ches'-chîn pouôrraient faithe du mêché.
L'explicâtion factuelle est mains fantastique. Au jour d'aniet j'viyons les maîsons auve des liefs en tîle ou en ardouaise, et les pièrres dé chorchièrs appathaîssent au mitan d'la cheunm'née. Mais aut'fais les liefs 'taient en glyi - et pus êpais. Les pièrres 'taient bâties don dans les cheunm'nées pouor protégi l'glyi d'la plyie tchi coulait ava les côtés d'la cheunm'née.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.