From Wikipedia, the free encyclopedia
La Conmète à Halley est eune conmète tchi r'veint pâsser la Tèrre touos les 75-76 ans. Ch'est la pus fanmeuse des conmètes, mais ch'n'est pon tréjous la pus lithante.
Ch't' articl'ye fut c'menchie en Jèrriais |
Ch'fut l'astronome Angliais, Edmond Halley, tchi réalîsit qu'la conmète dé 1682 r'sembliait à la cheinne dé 1607 et la cheinne dé 1531. I' proposit don en 1705 qué ch'èrfut la même conmète tch'èrvénait châque fais et i' caltchulit qu'nou pouôrrait espéther lé r'tou d'chutte conmète-là en 1757. Halley, li, n'vivait longtemps assez pouor èrvaie la conmète car i' mouothit en 1742. D'aut's astronomes èrcaltchulîtent l'êffet des plianètes et, s'lon lus caltchuls, la conmète r'appathut en 1758. Et v'là tchi fut la preuve d'la théorie à Halley.
La conmète à Halley fut la preunmié conmète èrconnue d'èrvénîn - chein qu'nou-s'appelle eune conmète périodique (ou eune conmète à pause). Nou r'chèrchit dans l'histouaithe pouor èrtrouver la conmète dans l'histouaithe dans l'années quand oulle avait pâssé. Nou trouvit qu'la conmète fut êpiée:
La vîsite èrmèrquabl'ye d'la conmète en 1910 fut la preunmiée à êt' photographiée. Pouor les Nouormands, juste d'vant l'millénaithe d'la Nouormandie, ch'tait la preunmiéthe dépis la preuve qué ch'tait bein la conmète d'la contchête Nouormande. 1910 'tait eune année à deux conmètes - la Grande Conmète dé ch't' année 'tait même pus cliaithe qu'la cheinne à Halley.
La vîsite dé 1986 'tait pustôt d'sappouaintante car la conmète appréchit raiqu' bein au liain d'la Tèrre. Mais des fîsées fûtent lanchies pouor aller examinner la conmète et les scientistes èrchûtent des bouonnes connaîssances là-d'ssus.
La préchaine vîsite ès'sa en 2061.
Des poésies en Jèrriais fûtent publiées en 1910 entouor la conmète.
Elie êcrivit La Coumette:
Jean Picot êcrivit La Coumette:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
