La Chrêtchienneté ( Chrêtchienneté; Cotentinais : Christianême) est eune èrligion pratitchie par les Chrêtchiens, les cheins tchi craient qu'Jésû est l'Fis dé Dgieu.
Ch't' articl'ye fut c'menchie en Jèrriais |
![Thumb](http://upload.wikimedia.org/wikipedia/commons/thumb/5/55/Helier_pilgrimage_eucharist_2005_Jersey.jpg/640px-Helier_pilgrimage_eucharist_2005_Jersey.jpg)
L'histouaithe du c'menchement d'la Chrêtchienneté et tchiqu's'eunes d'ses crianches sont racontées dans l'Nouvieau Testament, tch'est eune partie d'la Bibl'ye. Tout coumme les Juis, les Chrêtchiens font sèrvi étout l'Vièr Testament (Ancien Testament) tchi raconte chein qu'les prophètes avaient fait et dit d'pis lé c'menchement.
S'lon les Chrêtchiens, l'Bouôn Dgieu s'exprinme en trais pèrsonnes: la Trinneté est l'Péthe, lé Fis et l'Saint Esprit.
![Thumb](http://upload.wikimedia.org/wikipedia/commons/thumb/f/f9/Ichthys.svg/320px-Ichthys.svg.png)
La crouaix est un sŷmbole Chrêtchien, car Jésû fut crucifié et les Chrêtchiens craient qu'i' fut ressuscité auprès sa mort. Mais les preunmièrs Chrêtchiens faîthaient sèrvi un paîsson à seule fîn d'lus r'connaître viyant qu'i' 'taient pèrsétchutés. Quand l'empéreu Romain Constantîn atchilyit la Chrêtchienneté en 313, ou d'vînt eune èrligion d'êtat.
Y'a des pays achteu dans tchi la Chrêtchienneté est la r'ligion d'êtat.
D'pis les preunmié siècl'yes d'la Chrêtchienneté, les Chrêtchiens lus sont assembliées s'lon des difféthentes églyises dans tchi nou pratique parfais des difféthents sèrvices et couôteunmes et y'a des difféthentes crianches parmi l's églyises.
Y'a des Chrêtchiens tchi vénèthent les saints et l's icônes, et y'en a tchi n'aiment pon les portraits dans la r'ligion. Y'a des Chrêtchiens tchi sont seurvilyis par d's êvêques et d'aut's tchi louangent lé Bouôn Dgieu dans des congrégâtions gouvèrnées d'sé.
Viyiz étout
- Égllise catholique
- Orthodoxie
- Méthodisme
- Anglyicannisme
- Archêvêque dé Cantorbéry
- Pâques
- Noué
- Bâptême
- Sèrmon
- Pape
- Sacrément
- Liste des saints
- Monastéthe
- Mouène
- Pèlerinnage
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.