Latino sine Flexione
From Wikipedia, the free encyclopedia
Latino sine flexione (Latinum sin inflektiones) es auxiliari lingue kreat dal mathematikiste Giuseppe Peano ye 1903. Li lingue self es simplifikat versio de latinum, e retente lun vokablaro. Li justifikatione de Latino sine Flexione bli dona in Peanon artikle, "De Latino sine Flexione, Lingua Auxiliare Internationale". Li artikle argumentad ke auxiliari lingues es nonnesesari pro ke latinum es ja establi kom li international lingue del monde. Li artikle esed klasiki, quamkam lu gradualim omited lun inflektiones til ke esed nulu. On ha nomisa lu "interlingua" ma on mus non konfuse li plu tardi, plu bonim sava Interlingua developat dal International Auxiliary Language Association.
Latino sine flexione | ||
---|---|---|
Kreat da: | Giuseppe Peano | 1903 |
Uso: | ||
Total parleres: | — | |
Kategorie (intentione): | konstrukteti lingue Latino sine flexione | |
Lingue kodes | ||
ISO 639-1: | nulu | |
ISO 639-2: | art | |
ISO/FDIS 639-3: | — | |
Note: Disi pagine pove kontena IFA fonetiki simboles in Unikode. Vida IPA karte por Novial-basat pronuntiatione klefe. |
Quankam Peano ekartad li inflektiones de latinum fro substantives e adjektives lo non ekartad totim gramatikal genre, permisent li selekto de feminini fine por metieres. Li genre de animales es nonchanjabli. Li formes de substantives es fro li ablativi kasu, ma pro ke disu non es listat in latini lexikes lo donad regle por deriva lu fro li genitivi kasu. Li marke del plurales es final "s" kel es segun-voli. Verbes have poki inflektiones: tempes e modes bli indika per auxiliares. Li resulte es chanjo a positional lingue.