Østre Aker-Groruddalen prosti
From Wikipedia, the free encyclopedia
Østre Aker prosti er eit tenestedistrikt i Oslo bispedømme i Den norske kyrkja. Det femner Groruddalen, det vil seie bydelane Alna, Bjerke, Grorud og Stovner nordaust i Oslo. Prosten har sete på Grorud.
Prostiet vart oppretta som Østre Aker prosti i 1972 og bestod ved skipinga av prestegjelda Nordstrand, Bekkelaget, Manglerud, Lambertseter, Oppsal, Østre Aker, Bøler, Tveten (seinare kalla Haugerud), Høybråten, Stovner og Fossum.[1] Frå 1984 bestod prostiet av prestegjelda Østre Aker, Bredtvedt, Grorud, Rødtvet, Stovner, Fossum, Høybråten, Furuset, Haugerud og Oppsal.[1] Då hadde Nordstrand, Bekkelaget, Manglerud, Lambertseter og Bøler vortne overførte til det nyoppretta Søndre Aker prosti.
Omorganisering i 2013
I 2013 vart prostiet omorganisert for å betre utnytte resursane og dekkje behova. Fleire sokn var slegne saman; Bredtvet, Grorud, Romsås og Rødtvet vart slege saman til eitt sokn som fekk namnet Grorud sokn. Det vart òg vedteke å selje eller leige ut Bredtvet kyrkje. Østre Aker sokn og Haugerud sokn vart slegne saman til eitt sokn med namnet Østre Aker og Haugerud sokn. Ellingsrud sokn og Furuset sokn vart slegne saman til Ellingsrud og Furuset sokn og Høybråten sokn, Fossum sokn og Stovner sokn vart slegne saman til Høybråten, Fossum og Stovner sokn. Prostesetet vart flytt frå Østre Aker til Grorud. Det einaste av sokna som ikkje vart endra var Tonsen sokn.[2]
Prostiet er inndelt i sokn. Soknet er grunneininga i Den norske kyrkja. Dei som arbeider i kyrkja er anten tilsette av soknet gjennom Oslo kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eitt eller fleire sokn.
| Sokn | Kyrkje(r) | Kyrkjeleg fellesråd |
|---|---|---|
| Ellingsrud og Furuset sokn | Ellingsrud kyrkje Furuset kyrkje | Oslo |
| Grorud sokn | Bredtvet kyrkje (leigd ut) Grorud kyrkje Romsås kyrkje Rødtvet kyrkje | Oslo |
| Høybråten, Fossum og Stovner sokn | Fossum kyrkje Høybråten kyrkje Stovner kyrkje | Oslo |
| Tonsen sokn | Tonsen kyrkje | Oslo |
| Østre Aker og Haugerud sokn | Haugerud kyrkje Østre Aker kyrkje | Oslo |
Prestetenesta var tidlegare organisert lokalt gjennom prestegjeld. Ordninga vart fasa ut frå 2004. Før utfasinga hadde Østre Aker prosti desse prestegjelda:
- Østre Aker prestegjeld med
- Østre Aker sokn
- Bredtvet prestegjeld med
- Bredtvet sokn
- Rødtvet prestegjeld med
- Rødtvet sokn
- Grorud prestegjeld med
- Grorud sokn
- Romsås sokn
- Haugerud prestegjeld med
- Haugerud sokn
- Furuset prestegjeld med
- Furuset sokn
- Høybråten prestegjeld med
- Høybråten sokn
- Ellingsrud sokn
- Stovner prestegjeld med
- Stovner sokn
- Fossum prestegjeld med
- Fossum sokn
- Sinsen prestegjeld med
- Sinsen sokn
- Hasle sokn
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
