![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/27/Troll-arjang.jpg/640px-Troll-arjang.jpg&w=640&q=50)
Årjäng
From Wikipedia, the free encyclopedia
Årjäng, tidlegare òg kalla Silbodal, er ein svensk tettstad i Värmlands län i landskapet Värmland. Årjäng er administrasjonssenter i Årjäng kommune og hadde i 2006 3172 innbyggjarar.
![Thumb image](http://upload.wikimedia.org/wikipedia/commons/thumb/2/27/Troll-arjang.jpg/640px-Troll-arjang.jpg)
Årjäng ligg i sørvestre Värmland i nordenden av innsjøen Västra Silen. Årjäng ligg ved E18 om lag tretti kilometer frå grensa til Noreg og om lag 95 km vest for Karlstad.
Årjäng er kjent for statuen «Årjängstrollet» som står på torget i sentrum av staden. Trollet held ein balkong der mange kjende artistar spelt, til dømes Thore Skogman. På staden finn ein òg Årjängs travbane som er kjent som den vakraste travbanen i Sverige. Ved travbanen finn ein sidan 1998 Nordiska travmuseet som er det einaste av sitt slag i Europa[treng kjelde]. Museet prøver å vise heile historia til hesten.
Staden Årjäng kan òg vise til eit nytt hotell med bowlingbane, Systembolag og fleire restaurantar og Sommarvik, ein campingplass. Kyrkeruds folkhögskola, kjend for å utdanne gode bilet- og formkunstnarar, er òg i nærleiken.
Dei mange sjøane og stryka i distriktet inngår i sluseystemet Dalslands kanal. Ein kan derfor segle via sluser og den einaste akvedukten i Norden (i Håverud), heile vegen frå Årjäng til Arvika, Göteborg og Stockholm.
Årjängs kommune er ein viktig handelskommune som i år 2007 vart utpeikt til beste handelskommune i Sverige av Handelns utredningsinstitut och Market. Tettstaden Årjäng har òg stor grensehandel med Noreg, sjølv om han geografisk ligg 30 km frå den norske grensa.
Årjängs største arbeidsgivar er Elektromekan AB som er underleverandør til produksjonssindustrien. Regnkledesprodusenten Abeko og Årjängs Travbana bidrar òg med eit fleirtal arbeidsplassar, grensehandelen er òg viktig. Årjäng har derfor mykje låg arbeidsløyse samanlikna med andre stader i Sverige, sjølv i krisetider.[treng kjelde] Eigedomsmarknaden i Årjäng er normalt prissett 25-35 prosent lågare enn tilsvarande eigedomar på større stader som Arvika, Karlstad og Säffle.[treng kjelde]