![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f8/Norway_aalfoten12.jpg/640px-Norway_aalfoten12.jpg&w=640&q=50)
Ålfotfjorden
From Wikipedia, the free encyclopedia
Ålfotfjorden eller Ålfoten er ein fjordarm av Nordfjord i Bremanger kommune i Vestland. Fjorden strekkjer seg 8,5 km vest og sørvestover forbi bygda Ålfoten og inn til grenda Førde (Føre).
![](http://upload.wikimedia.org/wikipedia/commons/thumb/f/f8/Norway_aalfoten12.jpg/640px-Norway_aalfoten12.jpg)
Fjorden har innløp mellom Hjelteneset i nord og Gjegnalunden i sør. Nord for Hjelteneset ligg Isefjorden, medan Hundvikfjorden held fram austover.
Grenda Vik ligg på nordsida eit stykke inn i fjorden og nokre kilometer lenger vest ligg Myklebust og Sigdestad. Ved Svinevika smalnar fjorden inn og på andre sida ligg Førdespollen (Førspollen), den inste delen av fjorden. Inst i fjorden her ligg grenda Førde (Føre) og Åskåra kraftverk.
Riksveg 614 går på nordsida av fjorden. Ålfotbreen ligg eit stykke lenger sørvest.