Torgeir Eikstad Micaelsen

Torgeir Eikstad Micaelsen (fødd 20. mai 1979 i Bergen) er ein norsk politikar frå Arbeidarpartiet. Han vart vald inn på Stortinget frå Buskerud fylke i 2005 og vald på nytt ved stortingsvalet 2009. Han er utdanna bachelor frå Universitetet i Oslo 1999 og var medlem av Nedre Eiker kommunestyre 1999-2003, leiar av Buskerud AUF 1999-2001, og nestleiar i Buskerud Ap frå 2004 til 2006.

Torgeir Eikstad Micaelsen
Fødd	20. mai 1979 (45 år) Bergen
Statsborgar av	Noreg
Parti	Arbeidarpartiet
Yrke	politikar
Utdanna ved	Universitetet i Oslo Handelshøyskolen BI
Alle verv	stortingsrepresentant (2005–2009) vararepresentant til Stortinget (2001–2005) stortingsrepresentant (2009–2013) stortingsrepresentant (2013–2017)

Før Micaelsen vart politikar på heiltid, arbeidde han som lærarvikar 1999-2002 og deretter i underhaldningsbransjen gjennom selskapet Monkeybusiness saman med makker Kristoffer Reinsfeldt Arnesen, også kjent frå NRK P3. I 2004–2005 jobba han som seljar i Norsk Møteforum AS.

Han vart lagt merke til då han i valkampen i 2003 vart slått av FrP-politikaren Martin Schanche for ope kamera ved ein partidebatt ved ein vidaregåande skule i Buskerud. Dette hende etter at Micaelsen og fleire andre i panelet hadde ropt til Schanche om at han var feig som trekte seg frå debatten før denne var ferdig.

Stortingskomitear

• 2009–: leder av finanskomiteen
• 2005–09: medlem i finanskomiteen
• 2005–09: medlem i valkomiteen

Bakgrunnsstoff

• Stortinget - Biografi
• torgeirmicaelsen.no - blogg
• Klipp frå den omstridde debatten - YouTube